ELIKA, Nekazaritzako Elikagaien Segurtasunerako Euskal Fundazioa, Eusko Jaurlaritzako Nekazaritza, Arrantza eta Elikadura Sailari atxikitako erakundea da, Nekazaritzako Elikagaien arloan diharduena. Bere ibilbidean, Elika bere funtzioak egituratuz joan da, elikagaien segurtasunari lotutako politika berrietara egokituz. Gaur egun, Elikaren lan eremuak hauek dira:

• Nekazaritzako elikagaien arriskuen ebaluazioa eta txosten zientifikoak
• Animalien osasunari eta elikadurari lotutako alertak gestionatzeko laguntza
• Produkzio sektoreak informatu eta prestatzea (lehen sektorea, animalien elikadura eta elikagaien industria), segurtasun sistemak hobetzeko
• Gizarteari nekazaritzako elikagaien segurtasunari buruzko informazioa ematea

Gaur egun,NEIKER-Tecnalia Eusko Jaurlaritzako Sozietate Publikoa da, eta gainera, 2006ko bukaeratik, TECNALIAko kide da. Tecnalia Korporazio Teknologikoaren helburua da, Berrikuntza Teknologikoa sustatuz, garapen ekonomiko eta soziala bultzatzen laguntzea.

Neiker-Tecnalia baditu lantoki bi, bata Arkauten (Araba) eta bestea Derion (Bizkaia); azken hori Bizkaiko Teknologia Parke barruan dago (812. partzela).

NEIKER-Tecnaliaren farduera ikerkuntzan eta transferentzian oinarritzen da, nekazaritza eta elikadura zientzien arloan, eta bere erreferentea nekazaritzako elikagaien sektoreari balio erantsia ematea da.